ABŞ Müdafiə naziri Lloyd Austin İranın İsrailə raket hücumundan dərhal sonra İsrailin müdafiə naziri Yoav Galant ilə telefon danışığı aparıb.

Musavat.com xəbər verir ki, bu barədə "timesofisrael" yazıb. Pentaqonun sözçüsü Pat Ryderin verdiyi açıqlamaya görə, Austin, İsrailin müdafiəsi ilə bağlı ABŞ-ın "dəmir kimi möhkəm" öhdəliyini bir daha vurğulayıb və ABŞ-ın Yaxın Şərqdə həm öz aktivlərini, həm də İsraili müdafiə etmək üçün yaxşı hazır vəziyyətdə olduğunu bildirib.

Yazıda qeyd edilib ki, İran bu hücum zamanı aprel ayında İsrailə qarşı həyata keçirdiyi birbaşa hücumdan təxminən iki dəfə çox ballistik raket atıb.

****

"İsrailin müdafiə naziri Yoav Qallantla əlaqə saxlamaq mümkün deyil."

Musavat.com xəbər verir ki, bu barədə “Haaretz”in jurnalisti telegram kanalında məlumat yayıb.

Qeyd edək ki, İran bu gün axşam saatlarında İsrailə kütləvi raket hücumu həyata keçirib.

Bu, tarixdə ən böyük hücum kimi qiymətləndirilir. 

Baş verən hücumdan sonr İsrail İrana qarşı cavab tədbirlərinin görüləcəyini rəsmən elan edib. 

Musavat.com