İsrail Nəsrullahın harada olduğu barədə dəqiq məlumat alaraq onu məhv etmək üçün əməliyyat keçirib.

Fransanın “Le Parisien” qəzeti İsrailin İran hökumətinin yüksək çevrələrindəki agentin verdiyi məlumatlar sayəsində “Hizbullah” lideri Həsən Nəsrullahı məhv edə bildiyini yazıb. 

Livanın təhlükəsizlik sistemindəki mənbənin sözlərinə görə, Nəsrullahın bunkerə gəlişi onun peyda olmasından bir neçə saat əvvəl israillilərə məlum olub və bu, dəqiq zərbə endirməyə imkan verib.

Məhv edildiyi gün “Hizbullah” rəhbərliyi bir gün əvvəl öldürülən pilotsuz təyyarə bölməsinin rəhbəri Məhəmməd Hüseyn Srurun dəfn mərasiminə hazırlaşıb. Bu, onların diqqətini yayındırıb və liderlərinin həyatı üçün təhlükə gözləməyiblər.

"İsraillilər ora bir dəstə bomba atıblar - qənimətləri əldən vermək istəməyiblər" deyən mənbə əlavə edib ki, Nəsrullahın gəlişi ilə bağlı təcili məlumat verilməsəydi, əməliyyat baş tutmaya bilərdi.

Bu məlumat həm də İsrail mətbuatının zərbə qərarı verilərkən baş nazir Benyamin Netanyahunun ABŞ-a uçan təyyarədə olduğu barədə xəbərləri ilə üst-üstə düşür. Atəşkəs əvvəlcə diplomatik danışıqlar üçün nəzərdə tutulmuşdu, lakin müdafiə naziri Netanyahu ilə əlaqə saxlayıb və Nəsrullahı aradan qaldırmaq üçün qısa bir fürsət olduğunu bildirib və bu, qəfil hücuma səbəb olub.//Lent.az