ABŞ dövlət katibi Entoni Blinken Vaşinqtonun İran prezidentinin ölüm xəbərini alanda çox da üzülmədiyini deyib.

O, həmçinin bildirib ki, Birləşmiş Ştatlar BMT-də Rəisinin xatirəsinə bir dəqiqəlik sükut üçün ayağa qalxmayacaq.

Musavat.com xarici mediaya əsasən bildirir ki, ABŞ yetkilisi olduqca sərt üslubda və ələ salırmış kimi bunları da deyib:“Həm dünya, həm də İran xalqı yəqin ki, indi daha yaxşı vəziyyətdədir”.

“Onun bir hakim və prezident kimi iştirak etdiyi dəhşətli hərəkətləri nəzərə alsaq və... Bundan belə iştirak edə bilməz, bəli. İran xalqı yəqin ki, indi daha yaxşı vəziyyətdədir”, - Blinken bildirib.

Musavat.com