Slovakiya hökumət ofisində səhər saatlarında poçtun yoxlanılması zamanı baş nazir Robert Fikoya ünvanlanmış zərfin içərisində güllə tapılıb.

Musavat.com xarici agentliklərə istinadən xəbər verir ki, bu barədə “Plus 7 Days” saytı məlumat yayıb.

Xəbərdə həmin güllənin xüsusi cihazla yoxlamadan sonra aşkar edildiyi qeyd olunub.

Zərfin göndəricisi hələlik məlum deyil. Artıq Nazirlər Kabinetinin nümayəndələri hadisənin araşdırılması və göndərənin axtarışı üçün hüquq-mühafizə orqanları ilə əlaqə saxlayıblar.

Xatırladaq ki, 2024-cü il mayın 15-də Fikoya sui-qəsd edilib, nəticədə Slovakiyanın baş naziri güllə yarası ilə xəstəxanaya yerləşdirilib.

Musavat.com