“Edel-Veys” loqistik şirkətinin direktorunun 25 minlik qoyununu oğurlayaraq satan şəxs hakim qarşısına çıxarılıb.

Musavat.com xəbər verir ki, oğurluqda təqsirləndirilən şəxs 23 yaşlı Orxandır.

Orxan Goradil kəndində yerləşən fermada mühafizəçi işləyib. O, fermadan 6 baş iri buynuzlu, 22 baş isə xırdabuynuzlu heyvan oğurlayaraq sosial şəbəkədə tanış olduğu şəxsə 20 min manata satıb. Onun oğurladığı heyvanların dəyəri 25 min manat imiş.

Orxan 20 min manatın böyük hissəsini onlayn kazino oyunlarında uduzduğunu deyib.

Onun ifadəsindən məlum olub ki, zərərçəkmiş şəxs qoyunların oğurlanmasından xəbər tutanda zərəri ödəməsi üçün ona vaxt verib. Amma Orxan pulu ödəmədiyi üçün şikayətçi olub. Orxan istintaq dövründə dəymiş ziyanı ödəyib. Zərərçəkmiş şəxs ondan şikayətçi olmayıb.

Məhkəmə onun barəsində 2 il 6 ay azadlığınməhdudlaşdırılması cəzası təyin edib. O, elektron qolbaqla gəzməli olacaq.

İ.Muradov
Musavat.com