“Mən ötən ilin sonundan deyirəm ki, sülh müqaviləsi imzalamaq imkanı var idi. Ümid edirik ki, bu, prosesin çox tez başa çatdırılmalı olduğuna dair növbəti siqnaldır, çünki erməni tərəfi bu istiqamətdə hərəkət edəcək və daim iş aparacaq”.

Musavat.com erməni mediasına istinadən xəbər verir ki, bu barədə Ermənistan parlamentinin spikeri Alen Simonyan bildirib.

Simonyanın fikrincə, prosesin ləngiməsinə əsas səbəb tərəflər arasında sülh sazişinin müddəaları ilə bağlı fikir ayrılıqlarıdır.

Alen Simonyan tərəflər arasında əsas fikir ayrılığının nədən ibarət olduğuna dair suala isə bu sözlərlə cavab verib:

“Heç bir prinsipial fikir ayrılığı yoxdur, biz bənd-bənd müzakirələrimizi davam etdiririk”.

Musavat.com