İndoneziyada silah-sursat anbarında güclü yanğın baş verib.

Musavat.com xəbər verir ki, bu barədə "Reuters" məlumat yayıb.

Qeyd olunub ki, yanğın yerli vaxtla 18:30-da İndoneziyanın paytaxtı Cakarta yaxınlığındakı hərbi sursat anbarında baş verib.

Yerli sakinlər bildirirlər ki, partlayış səsləri bir neçə kilometr radiusda eşidilir.

Sosial şəbəkələrdə yayılan görüntülərdə yanğın yerində silah-sursatın partladıldığı görünür.

Ölkənin silahlı qüvvələrinin rəsmisi Kristomey Sianturi yaxınlıqdakı yaşayış məntəqələrindən vətəndaşların təxliyəsi barədə danışıb.

Yanğın zamanı tələfat barədə məlumat yoxdur.

Musavat.com