Cinsi istismar iddiaları ilə gündəmə gələn və adı mətbuatda tez-tez hallanan Epşteyn adası maraq mövzusuna çevrilib.
Musavat.com xəbər verir ki, son günlərdə baş verən hadisələr adanın sirrini daha da artırıb və cəmiyyətin diqqətini cəlb etməyi bacarıb.
Epşteyn adası harada yerləşir və bu adaya gedən məşhurlar kimlərdir?
Musavat.com olaraq Epşteyn adası ilə bağlı təfərrüatları və bu iddialarla bağlı yeni məlumatları təqdim edirik:
Epşteyn adası Cefri Epşteynə məxsus özəl adadır və bu adada bir müddət uşaqlara qarşı zorakılığın yaşandığı iddia edilir.
Adanın bu cür qeyri-qanuni fəaliyyətlərə səhnə olması Epşteynin ittihamlarla gündəmə gəlməsinə səbəb olub. Cinsi zorakılıq edən Cefri Epşteyn 2019-cu ildə Nyu-Yorkun Manhetten Metropolitan Mərkəzi Həbsxanasında ölü tapılıb.
Epşteynin sevgilisi Gislayn Maksel də azyaşlı qızları öz tələsinə salmaqda günahlandırılaraq məhkəmədə təqsirli bilinib. Bu qalmaqalın ortaya çıxması ilə Epşteyn adasına gedən və qalmaqala qarışan bir sıra məşhur adlar da üzə çıxıb.
Epşteyn qalmaqalında adı hallanan məşhurlar arasında bir çox tanınmış adlar var.
ABŞ-ın keçmiş prezidenti Bill Klinton, Britaniya kral ailəsinin şahzadəsi Endryu, məşhur illüziyaçı Devid Kopperfild, ABŞ-ın keçmiş prezidenti Donald Tramp və pop musiqisinin əfsanəsi Maykl Cekson kimi adlar qalmaqalın mərkəzində olub. ABŞ-ın bölgə hakimi Loretta Preskanın qərarı ilə təxminən 200 nəfərin adı açıqlanıb və bu şəxslərin arasında Keyt Blanşett, Naomi Kempbell və Leonardo Di Kaprio kimi adların olduğu iddia edilib.
Epşteyn Adası qalmaqalında adları çəkilən bəzi məşhurlar:
Gislayn Maksel: Epşteynin sevgilisi, ittihamlarda iştirak etdiyi iddia edilir.
Virginia Lee Roberts Giuffre: O, şahidlərdən biri kimi gündəmə gəlib.
Bill Klinton: ABŞ-ın keçmiş prezidenti Eptşeynlə münasibətinə görə qalmaqalda adı çəkilir.
Devid Kopperfild: Məşhur illüzionist Epşteyn qalmaqalında qeyd olunan adlar arasındadır.
Maykl Cekson: Pop musiqinin əfsanəvi adı Epşteyn qalmaqalında adı çəkilən məşhurlar arasındadır.
Şahzadə Endryu: Britaniya kral ailəsinin üzvü qalmaqala görə medianın diqqət mərkəzində olub.
Naomi Kempbell
Məşhur top modelin London ünvanı və telefon nömrəsi Cefri Epşteynin əlaqə siyahısında tapılıb. Belə ki, Kempbell açıqlamasında "Cefri Epşteyni tanıyırdım" deyib.
Musavat.com