"İndiyə qədər danışmadım, haqlı olduğum halda susdum. Siz üzdə olan davanı görürsünüz, arxada nələrlə mübarizə aparıram bilmirsiniz. Günlər əvvəl yutubumu işlədən Nadiri iş yerindən qolunu qatlayıb apardılar. Sanki böyük günah işləyib. Qanunsuz halda, tapşırıqla gəldilər apardılar. Səsimizi çıxartmadıq ki, tapşırıqla edilib, kimlərsə ortada yanmasın. Bu gün də mahnım yutubdan silinib və mənim işçim ortada yoxdur".

Bu sözləri müğənni Vəfa Şərifova qalmaqal yaşadığı Şəbnəm Tovuzlunun ünvanına deyib.

Vəfa Şəbnəmin onun işçisini qaçırtmaqda ittiham edib:

"Şəbnəm Tovuzlu, deyirsən ki, qayda, qanun var. Nadiri apartdıranda onu nəzərə almadın? Mahnım silinib, 1 saatdır Nadir yoxdur, bilmirsən bu dövlətin qanunu var? Nadirin harada olduğunu, Şəbnəm tərəfindən kimin apardığını bilirəm. Ad çəkmirəm, ağsaqqalınıza hörmət edirəm. Amma ad da çəkə bilərəm. Nə qədər gec deyil, Nadiri buraxın getsin evinə. 

Şəbnəm Tovuzlu, bu addımın heç düzgün olmadı. Bu dəfə səni mənim əlimdən Hikmət də qurtara bilməyəcək. Hamı yaxşı bilir ki, bir adamı polis gəlib o formada qolunu qandallayıb aparmırlar. Yutuba mahnı yükləməyə görə o formada aparırlar? Qanınızın arasına bu gün olan toyum girdi. Bilirsən, heç kimdən qorxum yoxdur. İstənilən adamın adını çəkib paylaşaram".

Vəfa "Sən olan yer cənnətdir" mahnısının yutub kanalında silindiyini söyləyib: 

"Deyirsən ki, mahnının sahibi bəlli oldu və silindi. Bütün faktları qoyacağam ortaya. Sənin maskan dəfələrlə cırılıb, indi də cırılacaq. Mahnı sənə görə silinsəydi, yazılardı şikayət gəldi. Mənim mahnım isə yutub işlədənim tərəfindən məcburi sildirilib. Bu qanunsuzluğu hara qədər edəcəksiniz?"

Qeyd edək ki, Şəbnəmlə Vəfa illərdir qalmaqal yaşayır. Buna səbəb Vəfanın Şəbnəmin keçmiş sevgilisi ilə birlikdə olmasıdır. Hazırda isə qalmaqalın alovlanmasına səbəb "Sən olan yer cənnətdir" mahnısı olub. Bəstəkar mahnını hər iki ifaçıya satıb. (Axşam.az)