Keçən gecə Rusiya Hava Hücumundan Müdafiə Qüvvələri Kursk vilayəti üzərində 87 ukrayna PUA-sını məhv edib və ya müdaxilə edərək ələ keçirib.

Musavat.com xəbər verir ki, bu barədə Rusiya Müdafiə Nazirliyi məlumat yayıb.

Məlumatda bildirilir ki, əlavə olaraq, Rostov vilayəti üzərində 4, Belqorod üzərində isə 2 PUA vurulub.

Kursk vilayətinin qubernatoru vəzifəsini icra edən Aleksandr Xinşteyn bildirib ki, gecə vurulmuş PUA-nın qalıqları və mühərriki Kursk şəhərinin mərkəzindəki çoxmərtəbəli bir binanın üzərinə düşüb. Hadisə nəticəsində 60 nəfər təxliyə edilib, xəsarət alan olmayıb. Digər iki regionun rəhbərləri isə gecə hücumları ilə bağlı hələlik açıqlama verməyiblər.

Qeyd edək ki, Kursk vilayətində Ukrayna Silahlı Qüvvələri ilə 2024-cü il avqustun 6-dan döyüşlər davam edir. Martın 12-də Baş Qərargah rəisi Valeri Gerasimov Vladimir Putinə məruzə edib ki, bölgənin ələ keçirilən ərazisinin 86%-i azad edilib.

Musavat.com