Rusiyada Tu-22M3 uzaqmənzilli bombardmançı təyyarəsi İrkutsk vilayətində qəzaya uğrayıb.

Musavat.com ölkənin Müdafiə Nazirliyinin yaydığı məlumata istinadən xəbər verir ki, 4 nəfərdən ibarət ekipajı təyyarədən paraşütlə atıla bilib. Onlardan biri həlak olub.

Nazirlik bildirir ki, ilkin məlumatlara görə, qəzaya texniki nasazlıq səbəb olub.

İdarənin məlumatına görə, təyyarə yaşayış olmayan əraziyə düşdüyünə görə heç kimə ziyan dəyməyib: "Hadisə yerinə gələn axtarış-xilasetmə qrupu ekipaj üzvlərini baza aerodromuna təxliyə edir".

Qeyd edək ki, Tu-22M3 uzun mənzilli səsdən sürətli raket daşıyan bombardmançıdır. Təyyarələr Rusiya Aerokosmik Qüvvələrinin uzun mənzilli aviasiyasının bir hissəsi və Rusiya nüvə triadasının hava komponentidir. Təyyarələr bununla yanaşı, qanadlı raketlər də daxil olmaqla, adi raket və bomba silahları ilə də zərbələr endirə bilərlər. Təyyarənin dəyəri 300 milyon dollardır.

 

Musavat.com