Rusiyanın İrandakı səfirliyi öz vətəndaşlarına müvəqqəti olaraq İrana səfərdən çəkinməyi tövsiyə edib.

Musavat.com xəbər verir ki, səfirlik bununla bağlı açıqlamasında bunu İran ətrafında vəziyyətin gərginləşməsi ilə əsaslandırıb: "İran ətrafında vəziyyətin gərginləşməsi ilə əlaqədar Rusiya səfirliyi Rusiya Federasiyası vətəndaşlarına müvəqqəti olaraq vəziyyət normallaşana qədər İran İslam Respublikasına səfərlərdən çəkinməyi tövsiyə edir".

Qeyd edək ki, dünən İran Fələstinin HƏMAS qruplaşmasının Siyasi Bürosunun rəhbəri İsmayıl Haniyə və Livan Hizbullah hərəkatının lideri Seyid Həsən Nəsrullahın öldürülməsinə cavab olaraq İsrailə raket zərbələri endirib. İsrail bu zərbələrə mütləq cavab verəcəklərini bəyan edib.

Musavat.com