Kiyevdə baş verən son raket hücumu nəticəsində azı 2 nəfər həyatını itirib, 50-dən çox insan yaralanıb.

Musavat.com xəbər verir ki, şəhərin meri Vitali Kliçko hadisə ilə bağlı açıqlamasına əsasən , yaralananlar arasında 6 azyaşlı da var.

Onun sözlərinə görə, ümumilikdə 54 nəfər xəsarət alıb, onlardan 38-i, o cümlədən 6 uşaq xəstəxanaya yerləşdirilib. Digər yaralılara isə hadisə yerində ilkin tibbi yardım göstərilib.

Hadisə Rusiya Silahlı Qüvvələrinin Kiyevə endirdiyi genişmiqyaslı zərbələr nəticəsində baş verib. Şəhərdə ciddi dağıntılar müşahidə olunur.

Musavat.com