Rusiya OPEC+ ölkələri ilə razılaşmalar çərçivəsində iyunda may ayı ilə müqayisədə neft hasilatını azaltmalıdır.

Musavat.com-un rus mətbuatına istinadən xəbərinə görə, 2024-cü ilin ikinci rübündə Rusiya kvotalarına əlavə olaraq hasilatı könüllü şəkildə azaldan bir sıra OPEC+ ölkələri ilə birlikdə neft hasilatını və ixracını müxtəlif variasiyalarda azaltmağa söz verib.

Rusiyanın OPEC+ çərçivəsində 2024-cü il üçün rəsmi neft hasilatı kvotası sutkada 9,95 milyon barel təşkil edir. Bütün 2024-cü il üçün bir sıra ölkələr tərəfindən 2023-cü ilin aprelində elan edilmiş könüllü hasilatın azaldılması nəzərə alınmaqla, bu göstərici 9,45 milyon barel olmalıdır.

Bu müqavilələrin bir hissəsi olaraq Rusiya müxtəlif variasiyalarda hasilatı və ixracı sutkada 471 min barel azaltmağı vəd edib: apreldə Rusiya hasilatı 350 min barel, ixracı isə 121 min barel azaltmalı idi; may ayında - müvafiq olaraq 400 min barel və 71 min barel; iyun ayında yalnız hasilatı 471 min barel azaldacaq.

Beləliklə, apreldə Rusiyanın hasilatı sutkada 9,1 milyon, mayda 9,05 milyon, iyunda 8,979 milyon barel səviyyəsində olmalıdır ki, bu da Səudiyyə Ərəbistanının kvotasına uyğundur.

Musavat.com