Rusiya Federal Təhlükəsizlik Xidməti Dağıstanda əməliyyat keçirib, "Crocus" terrorunu maliyyələşdirən dəstənin üzvləri saxlanılıb.

APA-nın Rusiya bürosu xəbər verir ki, bu barədə FTX məlumat yayıb.

Bildirilib ki, Dağıstanda saxlanılan yaraqlılar "Crocus"da terror aktını törədənlərin maliyyələşdirilməsində və onlara dəstək verilməsində iştirak ediblər.

Dəstəyə dörd nəfər daxil olub. Məlum olub ki, onlar, həmçinin Kaspiyskdə terror aktı planlaşdırıblar, bundan dərhal sonra Rusiyanı tərk etmək niyyətində olublar.

FTX Dağıstanda saxlanılan silahlıların Kaspiyskdə sahili partlatmaq niyyətində olduqlarını açıqlayıb.

Bu və gündəmdəki digər xəbərləri aparıcı Kamran Həsənlinin təqdimatındakı Kamranla 1 verilişində izləyə bilərsiz. Müzakirədə tamaşaçılarımız da iştirak edə bilər.