Qazaxstanlıların şəxsi hesablarından 100 milyon tengedən (217 min 618 dollar) çox pul fırıldaqçılar tərəfindən oğurlanıb.

Musavat.com xarici mediaya istinadla xəbər verir ki, Akmola polisi ziyankar proqramçını saxlayıb.

İlkin məlumata görə, şübhəlinin ölkənin, demək olar ki, bütün regionlarında 25 internet dələduzluğu var və onun vurduğu ziyan 104 milyon tengedən çoxdur.

“Kokşetau sakini bu ilin iyul ayında dələduzluq planına düşüb. İki gün ərzində onun telefonuna “WhatsApp” vasitəsilə naməlum abunəçi nömrələrindən zənglər gəlib. Özlərini bank işçiləri kimi təqdim edən fırıldaqçılar əvvəlcə mövcud bank hesabları haqqında məlumat tapıblar, sonra isə 64 yaşlı Akmola sakinini hər yolla inandırıblar ki, onun hesablarını sındırmağa çalışanlar var.

Bununla da cinayətkarlar qanunsuz bank əməliyyatları həyata keçirmək üçün lazımi məlumatları əldə ediblər. Ertəsi gün şikyətçiyə bank hesabının bloklanması barədə bildiriş alıb və mobil tətbiqi yoxlayan zaman məlum olub ki, bankdakı depozit və kart hesablarından 11,8 milyon tengedən çox pul çıxarılıb, - deyə hüquq-mühafizə orqanlarının əməkdaşları bildiriblər.

Zərərçəkmişin ifadəsinə görə, o, fırıldaqçılara heç bir mesaj, kod və ya şəxsi məlumat ötürməyib və onların göstərişlərinə əməl etməyib. Cinayət işinin araşdırılması zamanı Akmola kiberpolisi oğurlanmış milyonların köçürüldüyü hesablardan birinin sahibinin kimliyini və yerini müəyyən etməyə nail olub.

Keçirilmiş əməliyyat-axtarış və istintaq tədbirləri nəticəsində 24 yaşlı proqramçı Ural polisinin köməkliyi ilə Qərbi Qazaxıstan vilayətinin rayon mərkəzində saxlanılıb. Məlum olub ki, həmin şəxs oğurladığı pulları nağdlaşdırmaq və cinayət şəbəkəsinin digər üzvlərinə köçürmək üçün Rusiyadan xüsusi olaraq Qazaxıstana gəlib.

Hazırda faktla bağlı ibtidai istintaq aparılır. Şübhəli tutularaq müvəqqəti saxlama təcridxanasına yerləşdirilib.

Musavat.com