Senzuranın ləğvi Azərbaycan mətbuatı üçün bayram oldu və dünya ictimaiyyətində də geniş rezonans yaratdı.

Musavat.com Report.az-a istinadən xəbər verir ki, bunu Mətbuat Şurasının sədri Rəşad Məcid Ulu Öndər Heydər Əliyevin anadan olmasının 100- cü ildönümünə həsr olunmuş "Azərbaycan mətbuatının inkişafında Ümummilli Lider Heydər Əliyevin rolu" mövzusunda konfransda deyib.

"Heydər Əliyev Azərbaycan mətbuatının inkişafını daim diqqətda saxlayıb. O, mətbuatı idarə etməyi çox yaxşı bacarırdı. Bu ənənələr Prezident İlham Əliyev tərəfindən də uğurla davam etdirilir", - R.Məcid qeyd edib.

Şura sədrinin sözlərinə görə, Şuşada keçirilən beynəlxalq media forumu da tarixi hadisədir: "İnanıram ki, belə təşəbbüslər hələ uzun illər davam edəcək".