Beynəlxalq Atom Enerjisi Agentliyinin (AEBA) hazırkı Baş direktoru Rafael Qrossi vəzifəsini 2027-ci il dekabrın 2-dək davam etdirəcək.
Musavat.com xarici KİV-ə istinadən xəbər verir ki, bu barədə Qrossinin özü mətbuat konfransında deyib.
Onun namizədliyi təşkilatın 67-ci Baş Konfransının nümayəndələri tərəfindən təsdiqlənib.
O qeyd edib ki, son illər qlobal təhlükəsizlik ciddi problemlərlə, məsələn, koronavirus pandemiyası ilə üzləşib.
Baş direktorun sözlərinə görə, ilk dəfə olaraq nüvə proqramının təhlükəsizliyi və etibarlılığı ciddi təhlükə altında olub: "Bundan əlavə, dünya iqlim dəyişikliyindən, yoxsulluq, aclıq və ərzaq qıtlığından əziyyət çəkir".
O, 2019-cu il dekabrın 2-də AEBA-nın altıncı Baş direktoru kimi and içib.