Braziliyada küçə oğurluğuna cəhd cinayətkarlardan biri üçün faciəvi olub: quldurlar qurbanlarından gözlənilməz cavab alıblar. Hadisə San-Paulu ştatının Quarulhos şəhərində baş verib.

Musavat.com xəbər verir ki, internet resurslarında hadisə yerindən müşahidə kamerası vasitəsilə çəkilmiş videogörüntü yayılıb.

Həmin kadrlarda bir adamın dostu ilə vidalaşaraq evə getdiyi görünür. Bu zaman motosikletdə olan iki gənc ona yaxınlaşır. Arxada oturan gənc yoldan keçəni tapança ilə hədələyir və o, mobil telefonunu ona verir. Lakin bundan dərhal sonra o, qəfil silahlı quldura hücum edir, silahı onun əlindən alır və hər iki motosikletçini yerə yıxır. Sonra kişi quldurlardan birinə və motosiklet sürücüsünə bir neçə dəfə atəş açır, lakin sonuncu cinayət yerindən qaçmağı bacarır. Kişi özü də atışma yerindən uzaqlaşır.

Daha sonra məlum olub ki, çiynindən və sol qolundan yaralanan gənci xəstəxanaya çatdırsalar da, onun həyatını xilas etmək mümkün olmayıb. Onun şəriki hələ də axtarılır. Polis oğurluq qurbanının Otavio Ribeyro olduğunu müəyyən edib.

O da bildirilir ki, quldurlardan xilas olan və qətl törədən şəxs dindirilmək üçün polis bölməsinə aparılıb və sonra sərbəst buraxılıb. Onun pulqabı və telefonu da geri qaytarılıb.

Braziliya İctimai Təhlükəsizlik Forumunun illik hesabatına görə, Braziliyada saatda orta hesabla 107 belə oğurluq və ya soyğunçuluq hadisəsi baş verir.

Musavat.com