İsrail Müdafiə Qüvvələrinin mühəndis-istehkamçıları Qəzza zolağında radikal HƏMAS qruplaşmasının tunellərini məhv etmək üçün genişmiqyaslı əməliyyata başlayıb və artıq yüzdən çoxunu partladıb.

Musavat.com xəbər verir ki, bu barədə İsrailin "Walla" portalı məlumat yayıb.

Qeyd olunub ki, cümə axşamı səhər Qəzzada başlanan böyük mühəndislik əməliyyatı çərçivəsində İsrail əsgərləri tunellərə müxtəlif növ robotlar və partlayıcı qurğular yerləşdirir.

Məlumata görə, mühəndislər hazırda HƏMAS-ın yüzdən çox tunelini partladıblar. Qeyd edilib ki, bura İsrailin Qəzzaya endirdiyi hava zərbələri nəticəsində dağıdılanlar daxil deyil.

Musavat.com