Millət vəkili, Milli Məclisin Mədəniyyət komitəsinin sədri Qənirə Paşayeva 8 noyabr - Zəfər Günündə Tovuzda Vətən müharibəsi şəhidlərinin ailələri və qazilərlə görüşüb.
Musavat.com xəbər verir ki, onları Zəfər Bayramı və 9 noyabr - Bayraq Günü münasibətilə təbrik edən Qənirə Pasayeva ürək sözlərini bölüşüb.
Q.Paşayeva Zəfər Günündə ilk növbədə şəhid ailələrinin, qazilərin yad edilib, təbrik edilməsini xalqımızın qədirşünaslığı və minnətdarlığı kimi xarakterizə edib: "Sizlərə olan mənəvi borcumuz ömür boyu bitməyəcək. Bayramınız mübarək olsun!"
Komitə sədri şəhid ailələri üzvlərini, qaziləri dinləyib, onların toxunduğu mövzulara ətraflı şərh verib, sualları cavablandırıb.