Qazaxıstanın ABŞ-dakı səfirliyi ölkədə olan respublika vətəndaşlarına deportasiya qərarı ilə müraciət edib. Onlara könüllü olaraq öz ölkələrinə mümkün qədər tez qayıtmaq tövsiyə olunur.

Musavat.com xarici mediaya istinadla xəbər verir ki, söhbət immiqrasiya qaydalarını pozan və hələ də ABŞ-da qalanlardan gedir.

ABŞ hakimiyyəti könüllü gediş üçün “CBP Home” proqramından istifadə etməyi təklif edir. Bu, sizə öz uçuşunuzu seçməyə, həbsdən və məcburi deportasiyadan qaçmağa və qazancınıza qənaət etməyə imkan verir. Bundan əlavə, belə bir addım gələcəkdə ABŞ-yə qanuni qayıdış imkanlarını açıq qoyur. Bəzi hallarda Amerika tərəfi biletin alınması üçün maliyyə yardımı göstərməyə hazırdır.

Könüllü olaraq ölkəni tərk etməkdən imtina edənlər üçün nəticələr ciddi ola bilər. Daxili Təhlükəsizlik Departamentinin (DTD) əməkdaşları qanunu pozanları əşyalarını toplamaq üçün vaxt vermədən saxlamaq səlahiyyətinə malikdir. Cərimələr də var: deportasiya əmrinə əməl etməməyə görə gündə 998 dollara qədər və “CBP Home” proqramında bildirişlərə məhəl qoymamağa görə 1000-5000 dollar. Üstəlik, qanunu pozanların ABŞ-yə girişi həmişəlik qadağan edilə bilər.

Musavat.com