ABŞ-ın Portland ştatının 50 yaşlı sakini Enn Klayn gecənin bir yarısında qəflətən yuxudan oyananda və çarpayısının üstündə qəribə bir adamın olduğunu görəndə əsl şok yaşayıb. 

Sonradan məlum olub ki, bu adam evə basqınlar və zorakılıq hərəkətləri edən keçmiş təhlükəli cinayətkardır.

Ennin sözlərinə görə, yad adam tünd göy rəngli trikotaj papaq, qara cins şalvar və ağ damalı köynək geyinibmiş. Enn çaxnaşma içində qışqırıb: "Mənim evimdə nə edirsən?" Dərhal tərk et!"

Qətiyyən narahat olmayan kişi deyib: "Yox, mən burada yaşayıram, sən özün mənə otağı kirayə vermisən, xatırlamırsan?"

Klayn polisə zəng etdikdən sonra içəri girən şəxs evdən yan qapıdan çıxmazdan əvvəl qapı tutacaqlarının və digər səthlərin barmaq izlərini silməklə varlığını gizlətməyə cəhd edib. Xoşbəxtlikdən, səhər saat 6-da polis təsvirə uyğun bir kişini saxlayıb. O, yaxınlıqda, hadisədən bir neçə məhəllədəki evlərdən birinin həyətində həbs edilib.

Daha sonra Enn öyrənib ki, saxlanılan 39 yaşlı Brendon Bredli Bell 2015 və 2016-cı illərdə Portlenddə qadınların evlərindən oğurluq etməkdə təqsirli bilinib. Məhkəmə onu 6 il 3 ay müddətinə azadlıqdan məhrum edib, ardınca isə 10 il nəzarətə götürülüb. Brendon Belli indi başqa həbs cəzası gözləyir. (lent.az)