Xəbər verdiyimiz kimi, İyulun 20-də “Yalan məlumatların ifşası: Dezinformasiyaya qarşı mübarizə” mövzusunda 2-ci Şuşa Qlobal Media Forumunun açılış mərasimi keçirilib.

Musavat.com xəbər verir ki, Azərbaycan Respublikasının Prezidenti İlham Əliyev Forumda iştirak edib və sualları cavablandırıb.

Qeyd edək ki, 50-yə yaxın ölkədən 150-dən çox xarici qonağın, o cümlədən 30-a yaxın ölkənin informasiya agentliyi, 3 beynəlxalq təşkilat və 82 media qurumunun qatılacağı Forum iştirakçılar üçün birgə müzakirə və hərəkət platforması rolunu oynayır. Eyni zamanda Azərbaycandan da  33 KİV rəhbəri və təmsilçisi Forumda iştirak edib. 

Forumun ilk gününün yekunundan sonra azərbaycanlı jurnalistlər Xankəndidə "Xankəndi Palacae" hotelinə yerləşdirilib. 

"Yeni Müsavat" Media Qrupunun rəhbəri Rauf Arifoğlu Musavat.com-a bildirib ki, bu, Azərbaycan prezidentinin jurnalistlərə böyük jestidir. 

R.Arifoğlunun Xankəndi küçələrindən reportajını təqdim edirik.

Musavat.com