Xəbər verdiyimiz kimi, sentyabrın 17-də Beyrut və Livanın bölgələrində peycerlərin irimiqyaslı partlaması baş verib. Son məlumatlara görə, partlayışlar nəticəsində 11 nəfər ölüb, 4 mindən çox insan yaralanıb.

Musavat.com xarici KİV-ə istinadən xəbər verir ki, Tayvan polisi dünən Livan və Suriyada baş verən partlayışlardan sonra peycer istehsalçısı "Gold Apollo" şirkətinin qərargahında axtarış aparır.

"Reuters"in məlumatına görə, "Hizbullah" Tayvanda yerləşən "Gold Apollo"dan 5000 peycer sifariş edib.

Şirkətdən verilən açıqlamada isə bildirilib ki, "AR-924" modeli "BAC" tərəfindən istehsal edilərək satılıb.

Musavat.com