Çin hakimiyyəti ABŞ iqtisadiyyatına qoyulan yeni investisiyaları məhdudlaşdırıb.

Musavat.com xəbər verir ki, "Bloomberg" agentliyinin məlumatına görə, bu addım ABŞ Prezidenti Donald Trampın tətbiq etdiyi yeni gömrük rüsumlarına cavab olaraq atılıb.

Məlumata əsasən, Çin Dövlət İnkişaf və İslahatlar Komitəsinin (NDRC) regional bölmələrinə ABŞ-a sərmayə yatırmağı planlaşdıran Çin şirkətlərinin yeni müraciətlərini qeydə almaq və təsdiqləmək prosesini dayandırmaq göstərişi verilib.

Hələlik bu məhdudiyyət qeyri-rəsmi xarakter daşıyır və hazırda fəaliyyət göstərən investisiya layihələrinə şamil edilmir.

Ekspertlərin fikrincə, Pekinin bu addımı xaricə çıxan maliyyə axınlarına nəzarəti gücləndirmək məqsədi daşıyır və ABŞ-la aparılan ticarət danışıqlarında təzyiq vasitəsi kimi istifadə oluna bilər.

Hazırda NDRC tərəfindən tətbiq edilən məhdudiyyətlərin nə qədər davam edəcəyi bəlli deyil.

Musavat.com