Məlum olduğu kimi, noyabr ayında Bakıda keçiriləcək böyük COP-29 tədbirinə Ermənistanın baş naziri Nikol Paşinyanın da gələcəyi gözlənilir. Erməni politoloq Xaçik Qalstyanın fikrincə, Paşinyan İlham Əliyevin dəvətini qəbul edərək, COP-29-da iştirak üçün Bakıya gedərsə, Azərbaycanın Minsk qrupunun ləğv edilməsi üçün birgə bəyanatın verilməsi ilə bağlı istəyini, həmçinin Ermənistan konstitusiyasının dəyişdirilməsi tələbini yerinə yetirəcək. Qalstyan qeyd edib ki, bu barədə Paşinyan Bakıya getməzdən əvvəl açıqlama verəcək.

Bəs vətəndaşlarımız Paşinyanın Bakıya gəlişindən nə gözləyir?

O da məlumdur ki, ermənilər artıq 2 gündür Naxçıvandakı mövqelərimizi atəşə tutur. Əgər Paşinyan eyni vaxtda Bakıya gəlməyə razılaşırsa, digər tərəfdən niyə ordusuna təxribat tapşırığı verir?

TV Musavat mövzu ilə bağlı Bakı sakinləri arasında sorğu keçirib.

Hazırladığımız videosorğunu təqdim edirik:

Xalidə Gəray
Rafət Şahbazov
Musavat.com