Pakistanın cənub-qərbində yerləşən və Əfqanıstanla həmsərhəd olan Belucistan əyalətində təhlükəsizlik qüvvələri “Tehrik-i-Taliban Pakistan” qruplaşmasının 50 döyüşçüsünü zərərsizləşdirib.

Musavat.com xəbər verir ki, 7-9 avqust tarixlərində Sambaz bölgəsində 47 terrorçu məhv edilərkən, 10 avqust gecəsi sərhəd boyunca həyata keçirilən təmizləmə əməliyyatında daha 3 döyüşçü öldürülüb. Əməliyyat zamanı silahlar, döyüş sursatları və partlayıcı maddələr ələ keçirilib.

Məlumat Pakistan Silahlı Qüvvələrinin mətbuat xidməti tərəfindən verilib.

Musavat.com