OPEC neft ixracı həcmlərini OPEC-ə daxil olmayan ölkələr deyil, OPEC+ sazişinə daxil olmayan ölkələr üzrə qruplaşdırmağa başlayıb.

Musavat.com təşkilatın may hesabatına istinadən xəbər verir ki, əvvəllər Rusiya “qeyri-OPEC” ölkələri sırasına daxil edilib, üç OPEK ölkəsi isə OPEC+ sazişində iştirak etmir, lakin hesabata “OPEC+” ölkələri kimi (Liviya, Venesuela və İran, apreldə ümumi sutkalıq hasilatı 5,2 milyon barel) daxil edilirdi. İndi Rusiya OPEK+ ölkəsi, qeyd olunan 3 ölkə isə qeyri-OPEK+ ölkəsi kimi qruplaşdırılır.

Hesabatda deyilir ki, OPEC+ üzvü olmayan ölkələrdən maye karbohidrogen tədarükünün 2024-cü ildə sutkada 1,2 milyon barel artaraq, 53 milyon barelə çatacağı gözlənilir. 2025-ci ildə bu rəqəm daha 1,1 milyon barel artaraq 54,1 milyon barel olacaq ki, bu da əvvəlki ayın hesablamaları səviyyəsindədir.

Ekspertlər hesab edirlər ki, ABŞ-da maye karbohidrogenlərin hasilatı yanvarda hava şəraiti ilə bağlı dayanmalardan sonra artıq fevral ayında bərpa olunub. Müvafiq olaraq, ABŞ-ın maye karbohidrogen hasilatını 2024-cü ildə sutkada 0,4 milyon barel artıraraq 21,34 milyon barel (əvvəlki proqnoza uyğun olaraq), 2025-ci ildə isə daha 0,5 milyon barel artıraraq 21,84 milyon barel təşkil edəcəyi gözlənilir. Kanada, Braziliya və Norveçdə də istehsalın artımı gözlənilir.

2025-ci ildə qeyri-OPEC+ ölkələrində maye karbohidrogenlərin hasilatı ABŞ, Braziliya, Kanada və Norveç hesabına artacaq, əsas azalma isə Anqolada (2024-cü ildə OPEK-dən çıxıb) baş verəcək.

Hesabata görə, OPEC+ ölkələri tərəfindən aprel ayında təkcə neft hasilatı (sövdələşmədə kondensat nəzərə alınmır) sutkada 246 min barel artaraq 41,02 milyon barelə çatıb.

OPEC-in aylıq hesabatında həmçinin qeyd olunur ki, Rusiya və Mərkəzi Asiya ölkələrindən ümumi neft ixracı martda orta hesabla gündəlik 6,6 milyon barel təşkil edib ki, bu da fevral ayı ilə müqayisədə 3 faiz və ya demək olar ki, 0,2 milyon barel, ötən ilin eyni ayının yekunu ilə müqayisədə is 1 faiz və ya 50 min barel çoxdur.

Martda Rusiya və Mərkəzi Asiyadan neft məhsullarının ümumi ixracı əvvəlki illə müqayisədə 8 faizdən çox və ya sutkada 220 min barel azalaraq 2,6 milyon barel olub. Bu, 2023-cü ilin eyni ayı ilə müqayisədə 17 faiz və ya 0,5 milyon barel azdır. Aylıq azalma benzin, qazoyl və mazut ixracının azalması ilə əlaqədar olub.

Musavat.com