OPEK 2024 və 2025-ci illərdə neftə tələbat artımı proqnozunu olduğu kimi saxlayıb. Musavat.com xəbər verir ki, bu barədə məlumat təşkilatın aylıq hesabatında açıqlanıb.

Hesabata əsasən 2024-cü ildə neftə olan qlobal tələbat sutkada 2,25 milyon barel artaraq 104,46 milyon barelə, 2025-ci ildə isə daha 1,85 milyon barel artaraq 106,31 milyon barelə çatacaq.

Eyni zamanda OPEK 2024-cü ilin birinci rübündə istehlak proqnozunu 200 min barel artıraraq 103,53 milyon barel, ikinci rübdə 90 min barel azaldaraq 103,82 milyon barel, üçüncü rübdə tələbi daha 20 min barel artıraraq 104,9 milyon barel, dördüncü rübdə isə bir ay əvvəl gözləniləndən 120 min barel az - 105,57 milyon barel edib.
Birinci rübdə, xüsusən də OECD Avropa və bəzi qeyri-OECD ölkələrində tələb proqnozu bir qədər yüksəldilib, lakin tarixi məlumatlara əsasən Yaxın Şərq və Afrika üzrə proqnoz aşağı salınıb.

OPEC-ə daxil olmayan ölkələrdən neft tədarükü ilə bağlı proqnoza cüzi düzəliş edilib: 2024-cü ildə OPEC hasilatın sutkada 1,07 milyon barel artaraq 70,44 milyon barelə çatacağını gözləyir. Bir ay əvvəl onun 1 milyon barel artacağı proqnozlaşdırılırdı - 70,53 milyon barelə qədər.

2025-ci il üçün artım proqnozu 1,3 milyon bareldən 1,4 milyon barelə yüksəldilib və hazırda 71,75 milyon barel təşkil edir.

OPEK-in hesablamalarına görə, fevralda Rusiyada maye karbohidrogenlərin hasilatı əvvəlki ayla müqayisədə gündə təxminən40 min barel azalaraq orta hesabla 10,8 milyon barel təşkil edib.

Əvvəllər OPEK hesab edirdi ki, yanvarda Rusiya sutkada 9,5 milyon barel neft və 1,4 milyon barel kondensat hasil edib.

Musavat.com