Sosial mediada hindistanlı aktrisanın uşaqlıq boynu xərçəngindən öldüyünü iddia edən məlumatlar paylaşılıb. Daha sonra onun sağ olduğunu elan edən video yayılıb. Bu da sosial media şəbəkələrində qəzəbli müzakirələrə səbəb oldu.

Poonam Pandeyin rəsmi “İnstagram” hesabında 32 yaşlı aktrisanın xəstəliklə cəsarətlə mübarizə apardığını və öldüyünü bildirilib. Xəbər agentlikləri onun ölüm xəbərini bir neçə dəqiqə ərzində yayıblar və sosial mediada aktrisa üçün çox sayda paylaşımlar edilib.

Pandey bir neçə filmdə rol alıb, lakin mübahisəli yazıları və reklam kampaniyaları sayəsində onlayn sensasiyaya çevrilib. (Publika.az)