"Nisə Qasımovanı Zeynəb Xanlarovanın yanına mən aparmışam. Özü də Ələkbər Tağıyevin evində görüşmüşdülər. "İstəyirəm görəm səni" oxudu və xoşlarına gəldi. Zeynəb xanım isə bizə qulaq asdı. Haqqı deyirəm, Nisənin ifası Zeynəb xanımın xoşuna gəldi. Zeynəb Ələkbər Tağıyevə dedi ki, mənim üçün nə mahnı yazacaqsansa, oxuyub bitirəndən sonra verərsən Nisəyə".

Bu sözləri Xalq artisti Ceyran Haşımova "Xoş gəldim" verilişində deyib. O, Xalq artisti Nisə Qasımovadan incidiyini etiraf edib:

"Nisə Qasımova nankor insandır. Ona yalvarmayacağam ki, gəlsin, məni axtarsın. Nisəyə haqqımı halal etmirəm. Heç zaman da ona haqqımı halal etməyəcəyəm, çünki onun üzərində dünyanın zəhmətini çəkmişəm. Nisə vəfasız olsa da "Xalq aristi" fəxri adını daşıyır". (Axşam.az)