Neftin yaxın gələcəkdəki qiyməti ilə bağlı müzakirələr davam edir. 

Musavat.com "Bloomberg"ə istinadən xəbər verir ki, Səudiyyə Ərəbistanı Asiya da daxil olmaqla bütün bölgələrdən olan istehlakçılar üçün neft növlərinin qiymətini aşağı salacaq. Səbəb kimi tələbin aşağı olması göstərilir.

Nəşrin yazdığı kimi, neft istehlakı adətən mart və fevral aylarında azalır və emal şirkətləri bu müddətdən obyektlərin planlı təmiri üçün istifadə edirlər. Bununla belə, qlobal neft bazarında, o cümlədən ABŞ-dan güclü təklif "OPEC+"u 2024-cü ildə ümumilikdə hasilatı məhdudlaşdırmağa məcbur edə bilər.

Hesab olunur ki, bütün bunlar ucuzlaşma ilə nəticələnəcək. 

Musavat.com