Sumqayıt şəhərində narkotik aludəçisi özünə xəsarət yetirib.

APA-nın məlumatına görə, dekabrın 19-da saat 15 radələrində əvvəllər Cinayət Məcəlləsinin müxtəlif maddələri ilə məhkum olunan 28 yaşlı Kənan Ağamir oğlu İbrahimov şəhər ərazisində özünə bıçaqla xəsarət yetirib.

O, polis əməkdaşlarının köməyi ilə xəstəxanaya çatdırılıb.

Göstərilən tibbi müdaxilələrə baxmayaraq, saat 20 radələrində xəstəxanada ölüb.

Məlumatı Daxili İşlər Nazirliyinin (DİN) Mətbuat Xidmətindən təsdiqləyiblər.