Rusiyalı reper Eisik (İqor Voinov) 43 yaşında vəfat edib.

AZİNFORM.AZ bildirir ki, bu barədə onun VKontakte-dəki rəsmi qrupunda məlumat verilib. Musiqiçinin ölümünə səbəb insult olub.

İfaçı Moskva klinikalarından birində dünyasını dəyişib. İqor özünü pis hiss etdikdən sonra tibb müəssisəsinə yerləşdirilib. Həkimlər təcili əməliyyat keçirmək qərarına gəliblər. Lakin müğənni əməliyyata dözməyib və komaya düşüb. Üç ağrılı gün ərzində həkimlər Eisikin həyatı üçün mübarizə apardılar, lakin səhər onun ürəyi həmişəlik dayandı.

Yaxınlarının sözlərinə görə, həkimlər əlindən gələni etsələr də, Eysiki xilas edə bilməyiblər. “O, əməliyyat olundu. O, üç gün komada qaldı və bu gün, sentyabrın 10-da səhər saat 5.40-da bizi tərk etdi”, - deyə müğənninin nümayəndələri əlavə ediblər.

Voinovla vida mərasimi təkbətək keçiriləcək, o, doğulduğu Krasnodarda dəfn olunacaq.