Ukraynalı müğənni rus dilində mahnılarına görə tənqidə məruz qalıb.

Musavat.com metbuat.az-a istinadən xəbər verir ki, əsl adı Kristina Gerasimova olan məşhur ukraynalı müğənni Luna avqustun 8-də "Dreams" adlı yeni albomunu təqdim edib. Albom 11 rus dilində mahnıdan və yalnız iki ukrayna dilində mahnıdan ibarətdir. Buna görə də, müğənni tənqid edilib.

Luna özünün "Instagram" səhifəsində yeni albomunun yayımlandığını elan edib. Lakin o, albomu sosial şəbəkələrdə ingilis dilində elan edib və adını rus dilində yazıb. Sosial şəbəkə istifadəçiləri paylaşıma çoxlu tənqidlər yazıblar.