Rusiyanın Novoçeboksarsk şəhərində məktəb yeməkxanalarında yeməkdən kütləvi zəhərlənmə halı qeydə alınıb.

Musavat.com yerli mətbuata istinadən xəbər verir ki, noyabrın 15-də baş verən zəhərlənmədən zərərçəkənlərin sayı 209 nəfərə çatıb.

Baza Telegram kanalının yaydığı məlumata görə, 6 uşaq xəstəxanaya yerləşdirilib, yüngül zəhərlənən 194 uşaq və 9 böyük ambulator şəraitdə müalicə olunur.

Çuvaşiya səhiyyə idarəsinin məlumatından aydın olub ki, hadisə baş verən gün orta məktəblərə və kadet məktəbinə eyni şirkət tərəfindən günorta yeməyinə plov və balıq şorbası verilibmiş. Fakt üzrə hüquq-mühafizə orqanları araşdırmaya başlayıb.

Musavat.com