Meksikanın Tlakskala ştatında polad zavodunda baş verən partlayış nəticəsində azı 12 nəfər ölüb.

"Report" xarici KİV-ə istinadən xəbər verir ki, bu barədə ştatın Mülki Müdafiə İdarəsi məlumat yayıb.

Hadisə Meksika-Verakruz federal magistralının 123-cü kilometrliyində yerləşən SIMEC obyektində qeydə alınıb.

"Prokurorluq bu hadisəyə görə məsuliyyət daşıyanların müəyyən olunması üçün artıq təhqiqata başlayıb", - ştat qubernatoru Lorena Kuellar “X”dəki səhifəsində qeyd edib.