"Zaurla Günaydın" verilişinin bugünkü buraxılışında Əməkdar artist Mehriban Xanlarovanın evindən görüntülər təqdim edilib.

Musavat.com yenisabah.az-a istinadən xəbər verir ki, aktrisa heç vaxt kasıblığından utanmadığını bildirib:

"Zaur, Günay, çox sağ olun. Mən heç vaxt kasıblığımdan utanmamışam. Həyatda bir arzum var. Mənim 90 yaşlı dilsiz, qulağı eşitməyən anamın ayrıca bir otağı olsun, öz yatağı olsun, mən sevinim".

Aparıcı Günay Baxşəliyeva sözügedən evdə Mehriban Xanlarovanın anası, 2 qardaşı və nəvələri ilə yaşadığını və bu görüntülərin əbəs yerə göstərilmədiyini qeyd edib. 

Qeyd edək ki, Mehriban Xanlarovanın anası anadangəlmə eşitmə və danışma məhdudiyyətlidir.