Ermənistan Milli Təhlükəsizlik Xidməti və İstintaq Komitəsi hakimiyyəti qəsb etmək cəhdinin qarşısının alındığını elan edib. Bununla bağlı yerli tv kanallarda xüsusi videoçarx da yayımlanıb.

Musavat.com erməni mediasına istinadən xəbər verir ki, yerli ruspərəst politoloq Beniamin Matevosyan hadisədə Paşinyanı günahkar çıxaran yazı qələmə alıb.

“Bu strukturların yaydığı videoda başdan-ayağa hər şey mükəmməldir: burada Qarabağdan ermənilər var, Rostovda hərbi düşərgə var, rubllar, ArBat da. könüllülər batalyonu... Çatışmayan təkcə “qəsbkarlardan” birinin döş cibində Vladimir Putinin şəklini saxladığını göstərmək idi.

Görünür, rusofobik video kifayət olmayıb, çünki elə Paşinyandan öyrəndik ki:

1. KTMT Ermənistan Respublikasının təhlükəsizliyinə və ərazi bütövlüyünə təhlükə yaradır.
2. Növbəti addım İrəvanın KTMT-dən çıxmasıdır.
3. Ermənistan Türkiyənin növbəti tələbini yerinə yetirir və yeni modul stansiyanın tikintisi ilə kifayətlənərək yeni AES-dən imtina edir.
4. Paşinyan iddia edir ki, nə Rusiya, nə də Avrasiya İqtisadi İttifaqı ilə iqtisadi əlaqələri kəsmək niyyətində deyil, lakin eyni zamanda Aİ ilə ticarət dövriyyəsini artıracaq.

Yaxşı, oğlanlar və qızlar, bu dəfə hansı yalanları yayacaqsınız?”,-deyə Matevosyan yazıb.

Musavat.com