Elon Mask ABŞ-da Kamala Harrisin prezident seçkilərində qalib gələcəyi təqdirdə ölkədə ciddi senzura tətbiq ediləcəyini bildirib.

Musavat.com xəbər verir ki, onun sözlərinə görə, hazırda "dezinformasiyaya qarşı mübarizə bəhanəsi ilə senzuranın tətbiqi üçün genişmiqyaslı səylər görülür".

Mask söz azadlığının təhdid altında olduğunu və bu cür tədbirlərin ictimai diskussiyaları məhdudlaşdıracağını vurğulayıb.

O, ABŞ-da demokratiyanın fundamental prinsiplərinə zərbə vurulmaması üçün bu məsələnin diqqət mərkəzində saxlanılmasının vacibliyini qeyd edib.