Fransa prezidentinin Parisdəki rəsmi iqamətgahına insan barmağı olan məktub gəlib.
Musavat.com Valeurs Actuelles saytına istinadən xəbər verir ki, iyulun 10-da saray yazışma xidməti poçtla məktub alıb. Məktub açılan zaman içindən insan barmağı çıxıb. Hadisə ənənəvi olaraq iyulun 14-də qeyd olunan Bastiliya Günü milli bayramı ərəfəsində baş verib.
Kəsik barmaq mühafizəçilərin öz yeməklərini saxladığı soyuducuya yerləşdirilib.
Qəzet xəbər verir ki, hüquq-mühafizə orqanlarının əməkdaşları barmağın sahibi olan şəxsi tapıblar. Lakin polis hadisə ilə bağlı hələlik açıqlama verməyib.
Bildirilir ki, Yelisey sarayı da bu barədə açıqlama vermiyib.
Musavat.com