Macarıstan Avropa İttifaqının Kiyevə 6 milyard avrodan çox yardımının ayrılmasına imkan vermir. Buna görə də Aİ ölkələri Macarıstanın Ukraynanın maliyyələşdirilməsinə vetosundan yan keçməyin yollarını araşdırmağa başlayıb.

Musavat.com Bloomberg-ə istinadən xəbər verir ki, agentliyin mənbələri artıq Aİ-nin diplomatik xidmətinin Avropa Sülh Fondu adlanan quruma “icma üzvlərinə könüllü töhfələr verməyə icazə vermək” yollarını araşdırdığını deyiblər. Qeyd edilir ki, bu, gələcəkdə Ukraynanın maliyyələşdirilməsi ilə bağlı qərarların qəbulu zamanı Aİ-nin bütün üzvlərinin hazırda tələb olunan “yekdil dəstəyindən” qaçmağa imkan verəcək. Agentliyin həmsöhbətləri vurğulayıblar ki, Aİ səfirləri sabah görüşəcək və bu planın detallarını müzakirə edəcəklər. Bloomberg-ə görə, könüllü töhfələr ideyasının nə qədər dəstək ala biləcəyi hələ məlum deyil, çünki "blokun bir çox əsas qərarları yekdilliklə qəbul edilməlidir".

Daha əvvəl “Financial Times” yazıb ki, Aİ ABŞ-ın iştirakından asılı olmayaraq, ilin sonuna qədər Ukraynaya təxminən 44,48 milyard dollar dəyərində yeni kredit verməyə razılaşıb. Məlumata görə, belə bir addım Brüsselin Budapeştin ABŞ-ın dondurulmuş Rusiya aktivləri ilə kreditin ödənilməsində iştirak etmək üçün lazım olan zəmanətləri təqdim etməsinə mane olacağından qorxması fonunda atıla bilər. Macarıstanın baş naziri Viktor Orban hökuməti qərarı ABŞ-da keçiriləcək prezident seçkilərinə qədər təxirə salmağa çalışır, lakin Aİ indidən alternativ hazırlamalıdır ki, yardım ilin sonuna qədər Kiyevə çatsın. Macarıstanın vetosundan yan keçmək üçün qərarın yekdilliklə deyil, Aİ ölkələrinin səs çoxluğu ilə qəbul edilməsi lazımdır.

 

Musavat.com