İsrail Ordusu Livandan İsrail istiqamətində 15 raketin atışını qeydə alıb.

“Report”un xəbərinə görə, bu barədə Ordunun Mətbuat xidməti məlumat yayıb.

"Rakətlərin bəziləri havada məhv edilib, qalanları isə qeyri-yaşayış ərazilərinə düşüb", - açıqlamada bildirilir.

Xatırladaq ki, Yaxın Şərqdə vəziyyət 2023-cü il oktyabrın 7-də Qəzza sektorundan radikal HƏMAS qrupunun silahlılarının İsrail ərazisinə keçməsi, sərhədyanı yaşayış məntəqələrinin sakinlərinin qətlə yetirilməsi və 240-dan çox girovun götürülməsi ilə kəskin şəkildə pisləşib.