Litva Prezidenti Gitanas Nauseda Avropa İttifaqının (Aİ) Ukrayna Prezidenti Volodimir Zelenskinin təklif etdiyi "qələbə planı" ilə bağlı hələ də qərarsız qaldığını vurğulayıb.

Musavat.com xəbər verir ki, onun sözlərinə görə, bu planda yeni heç nə yoxdur və ciddi məsələlər hələ də müzakirə masasına çıxarılmayıb.

"Burada söhbət yalnız bizim Ukraynanı dəstəkləməyə hazırlığımız və öhdəliklərimizdən gedir," - deyə Nauseda qeyd edib.

O əlavə edib ki, Avropa tərəfdaşlarının tərəddüd etməsini deeskalasiyaya doğru ən yaxşı yol kimi düşünmək böyük səhv olardı.

Nauseda bu yanaşmanın vəziyyəti daha da çətinləşdirə biləcəyini vurğulayıb.