Koloniyada ömürlük həbs cəzası çəkən keçmiş senator Rauf Araşukov Çeçenistan rəhbəri Ramzan Kadırovdan üzr istəməsini “şəxsi işi” adlandırıb.

Musavat.com xəbər verir ki, bu barədə o, RBC-yə məlumat verib.

Bir gün əvvəl keçmiş senatorun İnstaqram səhifəsində Çeçenistan rəhbərindən “etdiyi bütün səhvlərə görə” bağışlanmasını xahiş etdiyi bir yazı çıxdı. "Ondan başqa heç kim kömək etməyəcək",- deyə Araşukov Kadırovdan kömək istəyib.

Araşukov bildirib ki, ifadəni öz əli ilə yazıb və vəkil vasitəsilə təqdim edib.

“Üzr istəməyə və səbəblərin aradan qaldırılmasına gəlincə, bu, bizim şəxsi işimizdir və mən burada səhv bir şey görmürəm ki, insan səhv etsin, öz səhvini etiraf edib üzr istəsin, xüsusən də yaxın adamı hesab etdiyi adamdan”. .

2022-ci il dekabrın 27-də Moskva şəhər məhkəməsi Araşukov və atası Raulu ömürlük həbs cəzasına məhkum edib. Məhkəmə heyəti onları cinayətkar birlik təşkil etməkdə və orada iştirakda təqsirli bilib. Bundan əlavə, Raul Araşukov “Qazprom” strukturlarından 4,4 milyard rubldan çox pul oğurlamaqda təqsirli bilinib.

Musavat.com