İsveç Ukraynaya Gripen qırıcılarının satışında problem görmür. Musavat.com xəbər verir ki, bunu ölkənin müdafiə naziri Paul Jonsson deyib: "Biz Gripen sisteminə, ilk növbədə onun İsveç və Braziliyada xidmətdə olan yeni versiyası Gripen Echo-ya maraq göstərən Ukrayna tərəfi ilə dialoq aparırıq, ona görə də bu sövdələşmə gələcəkdə mümkündür”.

İsveç Müdafiə Nazirliyinin rəhbəri əlavə edib ki, istənilən razılaşma “uzunmüddətli perspektivdə inkişaf etməlidir” və qeyd edib ki, Ukraynanın qırıcılar alması son nəticədə mövcud vəziyyətdən asılıdır.

Gripen İsveçin dördüncü nəsil çoxməqsədli qırıcısıdır və 1997-ci ildən İsveç Hərbi Hava Qüvvələrində xidmətdədir. O, həmçinin Macarıstan, Çexiya, Cənubi Afrika və Tayland Hərbi Hava Qüvvələri tərəfindən də istifadə olunur. Xüsusilə Amerikanın AMRAAM raketlərini, Almaniyanın TAURUS raketlərini və kaset sursatlarını daşımağa qadirdir.

 

Musavat.com