İsrail ordusu Qəzzada gedən döyüşlərdə yüksək rütbəli zabitini itirib.
Bu barədə İsrail Müdafiə Qüvvələrinin (İsrael Defence Forces - İDF) mətbuat xidməti məlumat yayıb.
Məlumata əsasən, Qəzza zolağının mərkəzində HƏMAS ilə döyüşlərdə İsrail ordusunun 24 yaşlı zabiti - mayor Den Videnbaum həyatını itirib.
Xatırladaq ki, HƏMAS təşkilatının İsrail ərazisinə raket zərbələri endirməsinə cavab olaraq 7 oktyabrda İsrail ordusu “Dəmir qılınclar” (Iron swords) əməliyyatına başladığını bəyan edib. Hərbi əməliyyatlar 99 gündür davam edir. (APA)