İranın “Handala” haker qrupu İsrailin “Dəmir Qübbə” raketdən müdafiə sistemini sıradan çıxardığını iddia edir. Musavat.com xəbər verir ki, bu barədə kiber hakerlərin Telegramdakı mesajında məlumat açıqlanıb.

Hakerlər iddia edirlər ki, bu, raketdən müdafiə radarlarına ikinci uğurlu hücumdur: “Ancaq bu dəfə onları düzəltmək üçün cəmi bir neçə saatınız var. Oyun başladı”.
İranın İsrailə yönləndirdiyi pilotsuz təyyarələrinin əsas qrupunun tezliklə İsrailə yaxınlaşacağı gözlənilir.

“Dəmir günbəz” qısa mənzilli raketləri vurmağa qadir olan, vahid şəbəkədə birləşdirilmiş raket əleyhinə sistemlərin batareyasıdır.

Musavat.com