Məlum olduğu kimi, Azərbaycan Prezidentinin köməkçisi Hikmət Hacıyev fevralın 1-dən İranda səfərdədir. Səfər çərçivəsində o, İran Prezidenti Məsud Pezeşkianla görüşüb və ona Azərbaycan Prezidenti İlham Əliyevin ölkəmizə səfər dəvətini çatdırıb. Hikmət Hacıyev, həmçinin İranın digər yüksək rütbəli rəsmiləri ilə də mühüm görüşlər keçirib.

İran mediasının məlumatına görə, görüşlərdə hər iki tərəf Azərbaycan-İran münasibətlərinin dostluq və qardaşlıq prinsiplərinə əsaslanmasının vacibliyini vurğulayıb. Eyni zamanda, bəzi anlaşılmazlıqların aradan qaldırılması, siyasi əlaqələrin genişləndirilməsi, iqtisadi və özəl sektorlar arasında əməkdaşlığın artırılması məsələləri müzakirə olunub.

Politoloqlar bildirir ki, son dövrlərdə gərginləşən Azərbaycan-İran münasibətləri bundan sonra stabilləşə bilər. Azərbaycan İranla münasibətlərdə gərginlik yaratmaq niyyətində deyil və qarşılıqlı faydalı əməkdaşlıqda maraqlıdır. Bununla belə, siyasi şərhçilər qeyd edirlər ki, İranın mühafizəkar və dini dairələri növbəti dəfə anti-Azərbaycan təxribatları törədərək əldə olunan müsbət nəticələri kölgəyə sala bilərlər.

Bəs İranla münasibətlərin düzəlməsi bizə nə vəd edir? Yenə də gərginlik olacaqmı?

TV Musavat-ın əməkdaşları bu sualla Bakı sakinlərinə müraciət edib, onların rəyini öyrənib.

Hazırladığımız videosorğunu təqdim edirik:

Xalidə Gəray
Rafət Şahbazov
Musavat.com